Nga Dritan Demiraj
Kjo thirrje është për çdo qytetar që sot ndihet i dhunuar nga padrejtësia.
Për çdo familje që është vjedhur nga korrupsioni.
Për çdo të ri që është detyruar të largohet nga vendi sepse nuk ka të ardhme këtu.
Për çdo punonjës që është hequr nga puna sepse nuk i përket partisë.
Për çdo pacient që endet dyerve të spitaleve pa marrë shërbimin që meriton.
Për çdo qytetar që jeton pa rend, pa siguri, pa drejtësi.
Kjo nuk është më thjesht politikë. Kjo është mbijetesë.
Një vend që largon bijtë dhe bijat e tij, që poshtëron të ndershmit dhe shpërblen të korruptuarit, nuk është më shtet – është peng i një pakice që sundon për veten.
Nesër, më 17 Prill 2026 në Tiranë, është momenti për të folur me zë të lartë.
Jo me dhunë.
Jo me urrejtje.
Por me vendosmëri qytetare dhe dinjitet kombëtar.
Dilni për veten tuaj.
Dilni për familjen tuaj.
Dilni për fëmijët që nuk doni t’i shihni duke ikur nga Shqipëria.
Heshtja i shërben vetëm atyre që ju kanë sjellë në këtë gjendje.
Zëri juaj është forca juaj.
Nesër, Tirana nuk duhet të jetë thjesht një qytet.
Duhet të jetë zëri i një populli që nuk pranon më të shtypet.
Bashkohuni. Mos mungoni. Historia nuk pret.
