Divjakë – Finalizohet nga Seksioni për Hetimin e Krimeve Ekonomiko-Financiare, operacioni policor i koduar “Chat”.
Organizonin lojëra fati në lokal, me kompjuterë dhe me celularë, vihen në pranga pronari dhe punonjësi.
Sekuestrohen 7 njesi kompjuterike dhe 3 celularë.
Si rezultat i administrimit të shpejtë të inteligjencës policore, se një lokal në fshatin Karavasta e Re, ishte përshtatur me pajisje për organizimin e kundërligjshëm të lojërave të fatit, specialistët e Seksionit për Hetimin e Krimeve Ekonomiko-Financiare finalizuan operacionin “Chat”.
Në kuadër të këtij operacioni u arrestuan shtetasit Altin Çoku, 51 vjeç dhe Edmir Çela 34 vjeç.
Nga kontrollet në ambientet e lokalit të paregjistruar në organet kompetente, në pronësi të 51-vjeçarit, në të cilin ishte punësuar si kamerier, pa u siguruar, shtetasi Edmir Çela, u gjetën 7 njesi kompjuterike dhe 3 celularë, që përdoreshin për lojëra fati.
Materialet procedurale iu referuan Prokurorisë së Fierit, për veprime të mëtejshme.
