Në Nyon të Zvicrës është hedhur edhe shorti për turin e parë eliminator të Conference Leagues, aty ku goglat kanë vendosur që skuadra e Laçit të përballet me malazezët e Iskra Danilovgrad.
Ndeshja e parë do të luhet në Shqipëri më 7 korrik dhe ajo e kthimit në transfertë një javë më vonë.
Mes skuadrash si Sfintul George, Ruzomberok, Dila Goli, Gjilani dhe Iskra Danilovgrad, kurbinasit gjetën përballë pikërisht këta të fundit dhe kanë shanse mjaft të mira për të vijuar në turin tjetër.
Me fat edhe Partizani, që ka peshkuar gjeorgjianët e Saburtalos , teksa ndeshjen e parë do ta luajë në transfertë më 7 korrik dhe të kthimit një javë më vonë në Shqipëri.
