Fier – Një prej talenteve më të veçantë të shkollës artistike “Jakov Xoxa” Lidia Cane dha koncert për artdashësit fierakë.
Lidia ka filluar të studiojë në instrumentin e pianos në moshen 5 vjeçare. Që në fillimet e saj, ajo ka spikatur me talentin dhe dashurinë për instrumentin e pianos. Gjatë viteve të para të këtij rrugëtimi, Lidia ka patur kujdesin e mesueses Shazie Sherri.
Ajo ka marrë pjesë në konkurse kombëtare dhe ndërkombëtare si “Epta Albania” në Tiranë apo “Pianisti i Ri” në Prishtinë. Në të gjitha pjesmarrjet, puna dhe mundi i saj janë vlerësuar me çmime të para. Kjo është vetëm një pjesë e zhvillimit artistik të maturantes Lidia Cane.
Në mbrëmjen e diplomimit të saj, maturantja interpretoi pjesë nga kolosët e muzikës botërore, koncert që pasua nga një ekspozitë pikture nga muzikantja.TCH
