Tuesday, February 27, 2024
spot_imgspot_imgspot_imgspot_img
HomeAKTUALITETVrau të miturën në plazh/ Ish-shefi i policisë lejoi kultivimin e kanabisit,...

Vrau të miturën në plazh/ Ish-shefi i policisë lejoi kultivimin e kanabisit,  kërcënon dhe pushuesit (vidio)

Ish-shefi i Komisariatit të Himarës, Arjan Tase, i cili drejtonte gomonen që përplasi për vdekje një fëmijë në plazhin e Potamit rezulton të ketë qenë i pezulluar nga detyra më parë.

Por, pavarësisht kësaj ai është rikthyer sërish në detyrë në Policinë e Shtetit.

Tase kur ishte shef i komisariatit të Himarës akuzohej për shpërdorim detyre pasi dyshohej se kishte lejuar kultivimin e drogës në dy fshatra të Vlorës.

Në dhjetor të 2020 në kuadër të operacionit antidrogë u arrestuan disa efektivë policie, kultivues dhe trafikantë droge të cilët ishin implikuar në kultivimin e 6790 rrënjë kanabis në Vlorë.

Arjan Tase është shpallur i pafajshëm nga Gjykata e Vlorës në 27 prill 2022 dhe u rikthye në polici më pas në detyrë Shef i Seksionit të Policimit në Komunitet në Komisariatin e Policisë Elbasan.

Këto janë pamje vetëm pak minuta pas ngjarjes tragjike të ndodhur në plazhin e Potamit.

Pasi goditi për vdekje një vajzë 7 vjeçe, drejtuesi i gomones Arjan Tase, me gradën Komisar dhe me detyrën e Shefit të Policimit në Komunitet në Policinë e Elbasanit, u përplaset  verbalisht me pushuesit.

Ai kërcënon pushuesit në bregdet, duke i sharë dhe ulëritur, ndërsa irritimi i pushuesve ka qenë i lartë.

Në sfond dëgjohen të qara dhe ulërimat e prindërve dhe familjarëve të fëmijës.

Por jo vetëm kaq.

Tase ka tentuar që të arratiset, por është bllokuar nga pushuesit e shumtë që ndodheshin aty. 

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME