Zbulohet: Detajet tronditëse të kontratës së re prej 492 milionë paundësh të Cristiano Ronaldos me Al-Nassr 

Cristiano Ronaldo ka firmosur kontratën më të pasur në historinë e sportit: një marrëveshje dyvjeçare me Al-Nassr me vlerë të përgjithshme prej 492 milionë paund, që mund të rritet në mbi 500 milionë £ përmes bonuseve dhe marrëveshjeve shtesë.

Sipas të përditshmes The Sun, ylli portugez do të paguhet 488 mijë paund në ditë, dhe do të përfitojë 25 milionë £ bonus firmosjeje, 4 milionë £ për përdorimin e një avioni privat, si dhe 15% aksione në klubin Al-Nassr, me vlerë 33 milionë paund. Nëse aktivizohet opsioni për vitin e dytë, bonusi i nënshkrimit rritet në 38 milionë paund.

Ronaldo dhe familja e tij do të kenë në dispozicion 16 punonjës me kohë të plotë – përfshirë 3 shoferë, 4 pastruese, 2 kuzhinierë, 3 kopshtarë dhe 4 roje sigurie – të paguar nga klubi, me një kosto prej 1.4 milionë paund. Në marrëveshje përfshihet gjithashtu statusi i “ambasadorit të ëndrrave” për shtetin e Arabisë Saudite dhe një paketë sponsorizimesh që mund të arrijë deri në 60 milionë £.

Kontrata e re u konfirmua pasi u hodhën dyshime për një largim të mundshëm pas një sezoni pa trofe, por Ronaldo i dha fund spekulimeve me një postim në X: “Një kapitull i ri fillon. E njëjta pasion, i njëjti ëndërr. Le të bëjmë histori bashkë.”

Megjithë moshën 40-vjeçare, Ronaldo shënoi 35 gola në 41 ndeshje sezonin e fundit, duke qenë golashënuesi më i mirë në Pro League për vitin e dytë radhazi. Me 99 gola në 111 ndeshje për Al-Nassr, ai po afrohet gjithnjë e më shumë te objektivi i tij jetësor: 1,000 gola në karrierë, ndë