Zvicra ka fituar Eurovisionin për vitin 2024. Përfaqësuar nga Nemo, një muzikant i njohur në Zvicër, kënga me titullin “Kodi” kombinon tri zhanre – opera, rap dhe drum’n’bass. Vendin e dytë e ka marrë kënga e Kroacisë “Rim Tim Tagi Dim”, ndërsa Ukraina është pozicionuar në vend të tretë.
Finalja e Eurovisionit këtë vit është shoqëruar me shumë polemika pas pjesëmarrjes së Izraelit në këtë festival muzikor. Protesta të shumta e kanë shoqëruar këtë eveniment. Mijëra vetë në Malmoe kërkuan këto ditë përjashtimin e Izraelit për shkak të ofensivës në Gaza. Ndërkohë kujtojmë që Shqipëria me këngën “Titan” të Besës nuk arriti të kualifikohej në finale.
Eurovizioni këtë vit u mbajt në Malmo të Suedisë pasi Loreen vitin e kaluar fitoi me këngën ‘Tattoo’. Kjo artiste edhe në vitin 2012 i solli fitoren Suedisë me këngën ‘Euphoria’, duke u bërë artistja e dytë në historinë e festivalit që fitoi dy herë.
Kroacia me një interpretim mbresëlënës, arriti të sigurojë vendin e dytë, duke treguar se konkurrenca ishte e ashpër dhe se do të mbahet mend për një kohë të gjatë.
Ukraina një shtet që tradicionalisht performon mirë në këtë konkurs, zuri vendin e tretë, duke vazhduar rekordin e saj të suksesshëm në skenën e Eurovisionit.
Si kurrë më parë, ky Eurovision i këtij viti u mbyll me ngjarje të shumta dhe protesta nga njerëzit që janë pro-palestinezëve, të cilët nuk i kanë ndalur marshimet në Malmö, Suedi.
Nga ana tjetër, konkurrenti holandez, Joost Klein u përjashtua nga gara si asnjë shtet që prej krijimit të festivalit, pasi intimidoi një punonjëse të stafit. Por edhe për herë të parë, Qipro nuk i dha 12 pikët Greqisë.
Shqipëria u përfaqësua nga Besa Kokëdhima dhe “Titan” nuk preku finalen.
