Rasti i parë i konfirmuar i të ashtuquajturit metapneumovirus HMPV është zbuluar në Selanik. Rasti në fjalë është konstatuar tek një 71-vjeçar, vajza e të cilit ka udhëtuar drejt Kinës gjatë festave të fundvitit. Pak ditë pas kthimit, babai i saj ka shfaqur simptomat e para.
Fillimisht ai shkoi në një klinikë private, më pas më 3 janar u shtrua për mjekim në spitalin Papanikolaou. Të shtunën ai iu nënshtrua një testi PCR dhe të hënën rezultatet treguan se ai ishte pozitiv ndaj virusit HMPV. Lajmin e ka publikuar stacioni privat televiziv Open dhe priten deklaratat zyrtare të mjekëve.
