Argjentina është fituese e Kupës së Botës për vitin 2022, të zhvilluar në Katar. Në finalen e madhe, skuadra Albiceleste triumfoi nga ruleta e penalltive, pasi koha e rregullt u mbyll në barazim 3-3.
Ishte një ndeshje e jashtëzakonshme, ndoshta finalja më e bukur në histori. Skuadra e Scalonit e nisi mjaft mirë duke shënuar dy gola në 45 minutat e para. Di Maria ishte protagonist absolut duke fituar penalltinë e parë, që do të ktheheshe në gol nga Messi. Në të dytën lojtari i Juventusit shënoi pas një kundërsulmi të shpejtë.
Franca vuan shumë lojën e argjentinasve, duke hasur vështirësi. Për të zgjuar skuadrën do të mendonte Kylian Mbappe, që shpiku nga repertori i tij dy gola të shpejtë në fundin e ndeshjes për të barazuar shifrat. Fillimisht shënoi me penallti në minutën e 79-të, ndërkohë që pak sekonda më pas realizoi një perlë me një goditje fluturimthi.
Ndeshja nuk u zgjidh dot në kohën e rregullt, duke shkuar në shtesë. Në minutën e 109-të, Messi do të rikthente sërish buzëqeshjen te Argjentina duke shënuar nga fare pranë portës. Në minutën e 117-të, ndërkohë Mbappe fitoi një penallti që do ta kthente po vetë në gol.
Nga goditjet e penalltive, Argjentina ishte më e saktë, ndërkohë që në krahun tjetër francezët gabuan në dy raste. Coman dhe Tchoumani gabuan nga pika e bardhë.
ARGJENTINË-FRANCË 3-3 LIVE
117’ GOOOL Tjetër penallti për Francën. Mbappe fitoi një penallti pas një prekje të goditjes së tij me dorë, ndërkohë që nga pika e bardhë sulmuesi i PSG shënoi golin e tretë personal.
108’ GOOOL Argjentina ka kaluar në avantazh 3-2. Pas një aksioni të gjatë, Lautaro Martinez vendos në vështirësi portierin Lloris, ndërkohë që më pas Messi e kishte të thjeshtë pr ta shtyrë topin në rrjetë.
98′ Koha e rregullt mbyllet në shifrat 2-2. Tashmë do të duhet 30 minuta shtesë për të gjetur ndoshta një fitues
81’ GOOOL Kylian Mbappe është i jashtëzakonshëm. Sulmuesi francez shënon një eurogol me një goditje shumë të bukur fluturimthi
79’ GOOOL Franca rihap ndeshjen ndaj Argjentinës, tashmë në shifrat 2-1. Kylian Mbappe shënon nga pika e bardhë, pas një penallti të fituar nga një faull në zonë nga Otamendi.
66’ Franca jep sinjalet e para të rrezikshme me dy krosime mjaft të mira nga Griezmann, por që nuk u shfrytëzuan nga shokët e tij
36’ GOOOL Argjentina po dhuron spektakël ndaj Francës, pasi në minutën e 35-të, arrin që të gjejë dhe golin për shifrat 2-0. Me anë të një kundërsulmi të shpejt, Di Maria konkretizoi në mënyrë perfekte aksionin.
22’ GOOOL Argjentina ka fituar një penallti, pas një faulli të Dembele ndaj Di Marias brenda zonës. Nga pika e bardhë, Lionel Messi do të arrinte që të mposht portierin Lloris me një goditje të saktë.
9’ Portieri Lloris dëmtohet pas një aksioni të rrezikshëm të argjentinasve, të cilët e kanë nisur më mirë sfidën
4’ Mec Allister provon me një goditje nga distanca, por Lloris është i vëmendshëm.
