Tuesday, May 21, 2024
spot_imgspot_imgspot_imgspot_img
HomeAKTUALITETÇ’e shtyu Carlo Bollinon edhe kundër kolegëve të tij italianë?

Ç’e shtyu Carlo Bollinon edhe kundër kolegëve të tij italianë?

Mes dy pashaportave të tij, gazetari italo shqiptar, Carlo Bollino ka zgjedhur atë me më tepër leverdi. Ai ka sulmuar ashpër në një editorial të tij emisionin investigativ “Report” të Rai 3, i cili fshikulloi keq qeverisjen e korruptuar të Edi Ramës.

Njësoi si kryeministri, ai tregoi me gisht ata gazetarë përtej Adriatikut që kanë shndërruar në zanat baltosjen e Shqipërisë. Njësoj si Rama, ai kërkoi gjilpëran në kashtë, për të gjetur alibi për Engjëll Agaçin. Po deri këtu s’ ka asgjë të veçantë. Bollino bëri detyrën e tij.

Problemi fillon kur ai bën procesin e qëllimeve të personazheve të emisionit. Ai thotë se ish prokurori Mandoi ka qëllime politike për kritikat që bëri. Ja seç shkruan:”Do të më pëlqente të kuptoja mbi të gjitha se përse gazetari italian “harroi” të saktësonte se Mandoi e ka hequr tashmë togën e prokurorit dhe prej dy vitesh është militant aktiv në “Movimento 5 Stelle”, forcë politike e rreshtuar në mënyrë të hapur kundër qeverisë italiane firmosëse e marrëveshjes me Shqipërinë. Pra Mandoi tashmë ka hyrë në politikë dhe flet edhe për qëllime politike pa pasur domosdoshmërisht objektivitetin dhe pavarësinë që duhej të respektonte kur fliste për llogari të Drejtësisë”.

Po me të njëjtën logjikë Bollino zhvlerëson edhe përmbajtjen e emisionit kritik duke thënë se qëllimi i autorëve të tij ishte i frymëzuar politikisht nga opozita italiane që është kundër marëveshkes Rama Meloni. “Unë nuk e besoj se kishte diçka personale në sulmin e njëanshëm të bërë nga programi “Report” kundër imazhit të Shqipërisë apo të qeverisë së saj. Qëllimi ishte vetëm për politikë të brendshme italiane, siç besoj se e kanë kuptuar të gjithë. Duke goditur Edi Ramën (duke lëshuar akuza dhe insinuata ndaj familjarëve të tij, bashkëpunëtorëve të tij dhe mbi gjendjen në vendin e tij), këtë herë kishte si qëllim të vetëm të goditej kryeministrja Giorgia Meloni e cila me Edi Ramën ka firmosur një marrëveshje mbi emigrantët që nuk i pëlqen as opozitës italiane (një zë mediatik i të cilës është Report), shkruan ai.

Pra sipas Bollinos bashkëatdhetarët e tij italianë ishin në konflikt interesi, kur prodhuan një nga emisionet më fshikulluese ndaj qeverisjes Rama. Por për të mbrojtur të preferuarin e tij, së paku këtë argument italo shqiptari mund ta kishte shmangur. Sepse me të njëjtën logjikë kushdo mund ti kundërpërgjigjej: Po ti që ke marrë pronë me 1 euro nga Edi Rama, a je ne konflikt interesi për të bërë alibinë e tij?/Lapsi

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME