Europa League / United dhe Tottenham drejt finales, fitojnë sfidat e para

Skuadrat angleze kanë hedhur një hap të madh drejt finales së Europa League, pasi dominuan ndeshjet e para gjysmëfinale. Manchester United dhe Tottenham regjistruan fitore të rëndësishme, duke u pozicionuar si favoritë për të kaluar në finalen që do të zhvillohet në Bilbao.

United dominon në Spanjë

Manchester United triumfoi me rezultatin 3-0 ndaj Athletic Bilbao, në një sfidë të zhvilluar në “San Mamés”. Casemiro zhbllokoi ndeshjen në minutën e 30-të, ndërsa Bruno Fernandes realizoi një dopietë të shpejtë në minutat 37 dhe 45, duke siguruar një avantazh komod për “Djajtë e Kuq”.

Tottenham mposht Bodø/Glimt

Në Londër, Tottenham bëri detyrën ndaj norvegjezëve të Bodø/Glimt, duke fituar 3-1. Johnson shënoi që në sekondën e parë të ndeshjes, Maddison dyfishoi në minutën e 34-të, ndërsa Solanke vulosi fitoren në të 61-ën.

Të dyja ekipet angleze janë shumë pranë kualifikimit, por gjithçka do të vendoset përfundimisht në ndeshjet e kthimit javën e ardhshme.