Sot mbyllen aplikimet për drejtorin e Policisë së Shtetit, emrat e kandidatëve

Sot është afati i fundit për dorëzimin e aplikimeve për garën për postin e Drejtorit të Përgjithshëm të Policisë së Shtetit. Deri më tani kanë paraqitur kandidaturën dy drejtues policie, Elidon Çela, aktualisht drejtor i Policisë së Vlorës, dhe Pëllumb Seferi, drejtor për Marrëdhëniet Ndërkombëtare në Drejtorinë e Përgjithshme të Policisë së Shtetit.

Ndërkohë pritet që në orët në vijim të dorëzojnë aplikimet edhe disa emra të tjerë, mes tyre drejtori i Policisë së Fierit Skënder Hitaj, drejtori i Policisë së Durrësit Afrim Tafa, drejtori i Policisë Kriminale Neritan Nallbati dhe ish-drejtori i Policisë së Tiranës Tonin Vocaj.

Sipas procedurës ligjore, pas mbylljes së afatit të aplikimeve, Ministria e Brendshme do të publikojë në faqen zyrtare listën e kandidatëve. Më pas, brenda 10 ditëve, një komision i posaçëm me tre anëtarë, i kryesuar nga një zëvendësministër i Brendshëm dhe me pjesëmarrjen e sekretarit të përgjithshëm të ministrisë dhe kreut të Agjencisë së Mbikëqyrjes Policore, do të bëjë vlerësimin e kandidatëve.

Lista si më poshtë.

Pellumb Seferi
Elidon Çela
Alfred Çepe
Rebani Jaupi
Saimir Boshnjaku
Lorenc Panganika
Afrim Tafa
Neritan Nallbati
Idejet Faskaj
Gentian Berberi
Tonin Vocaj
Skënder Hitaj
Arjanit Arapi
Gentjan Shehaj