Portokallet janë ndër agrumet më të njohura e vlerësuara, jo vetëm për shijen por edhe për vlerat ushqyese. Përfitimet që marrim nga agrumet janë shumë dhe përfshijnë shumë aspekte të shëndetit. Vitamina C është ajo që dimë më shumë për portokallin por kjo nuk është vlera e vetme e saj.
Në 100 g portokall kemi 8 g. karbohidrate, fibra 1.6 g dhe 34 kalori. Me këtë sasi përmbushen 50% e kërkesave të përditshme të vitaminës C.
5 arsye të rëndësishme për të konsumuar portokallin:
Portokallet luftojnë pagjumësinë, janë një frut i shkëlqyer për t’u konsumuar edhe në orët e pasdites dhe të mbrëmjes. Edhe pse ata kanë reputacionin e keq të të qënit të rëndë për t’u tretur, ata në fakt janë aleatë të shkëlqyer të gjumit.
Ato sigurojnë folate dhe vitamina të tjera të kompleksit B që lehtësojnë sintezën e melatoninës, hormonit të gjumit.
Portokallet janë të pasura me element të shumtë që kanë efekt citotoksik kundër qelizave të kancerit. Nga studimet e fundit besohet se agrumet janë në gjendje për të luftuar tumoret e lokalizuara në mushkëri, lëkurë, stomak dhe në zorrë.
Ndikojnë dukshëm në ruajtjen e nivelit të kolesterolit në trup, prania e të cilit reduktohet për shkak të sasisë së lartë të fibrave të tretshme, të pranishme tek agrumet.
Prania e lartë e vitaminës C tek portokalli lufton radikalet e lira të cilat konsiderohen përgjegjës për disa sëmundje kronike ndër to dhe disa forma të kancerit dhe çrregullimeve kardiovaskulare.
Pirja e lëngut të portokallit na ndihmon për të mbrojtur veshkat dhe për të zvogëluar rrezikun e gurëve në to.
Përmbajtja e kaliumit tek portokalli është një aleat i mirë për mbrojtjen e zemrës, duke pasur parasysh faktin se një mungesë e mundshme mund të çojë në ndryshime të ritmit kardiak të njohur si aritmi.
Lëkura e portokallit është e pasur me beta-karoten e cila na ndihmon për të mbrojtur qelizat nga plakja.
