Një lajm i rëndë ka tronditur skenën muzikore greke. Këngëtari i njohur Giorgos Mazonakis, një prej zërave më të spikatur të muzikës popullore greke, është ndarë nga jeta në moshën 54-vjeçare.
Sipas raportimeve, Mazonakis pësoi një arrest kardiak dhe u transportua me urgjencë në spitalin “Elpis”, në Athinë, por mjekët nuk mundën ta shpëtonin.
Lajmi ka shkaktuar tronditje të madhe te fansat dhe kolegët e tij, pasi Mazonakis ishte një figurë e rëndësishme e muzikës greke dhe prej dekadash ishte pjesë e pandarë e skenës.
Me një karrierë të gjatë dhe dhjetëra hite, ai la gjurmë të forta në muzikën greke, duke u kthyer në një prej artistëve më të dashur dhe më të identifikueshëm të brezit të tij.
Ikja e tij në një moshë kaq të re shënon një humbje të madhe për artin grek.
