Monday, July 22, 2024
spot_imgspot_imgspot_imgspot_img
HomePOLITIKËBerisha: Ja pse Rama nxinte në hapjen e fushatës

Berisha: Ja pse Rama nxinte në hapjen e fushatës

Ish-kryeministri Sali Berisha bëri akuza të forta ndaj kryeministrit Edi Rama pasi ky i fundit çeli fushatën e për zgjedhjet e 14 majit. Berisha tha se fushata e opozitës ngjason me atë të vitit 1992 ndërsa tek PS kandidatët i ka vendosu mafia.

“Mund të themi se ka disa paralelizma me 1992. Do u duket e çuditshme, por paralelizma e parë janë kandidatët tanë. Ne kudo ku shkojmë, shkojmë me kandidatë të cilët nuk kanë asnjë hipotekë negative. Shkojmë me kandidatë të cilët kanë kredenciale, qoftë qytetare, qoftë politike të shkëlqyera. Por në dallim nga 1992, këta janë kandidatë jo të caktuar nga kryetari apo kryesia e partisë, por janë kandidatë të caktuar nga anëtarësia.

Në çdo lloj varianti këta kanë një epërsi morale të jashtëzakonshme krahasuar me të gjitha kandidimet që ka bërë PD në 32 vite, pa le me krahun tjetër që nuk kanë asnjë krahasim. Kandidatët e tyre janë kandidatë të nomenklaturës. Por të cilës nomenklaturë do thoni ju. Të nomenklaturës të shtetit mafioz, nomenklaturës së mafies” – tha Berisha.

“Kandidatët e kësaj mafie janë kandidatët e vesit, janë kandidatë që kanë vjedhur me tendera, janë kandidatë të lidhur me një mijë fije me trafikantët, janë kandidatë të cilët u rëndojnë thasët me euro qytetarëve. U rëndojnë lidhjet me drogën, u rëndon fakti se për ta nuk ka votuar një socialist i vetëm, të gjithë kanë dalë nga sirtarët e Edi Ramës, u rëndon tmerrësisht vetë Edi Rama.

Çdo kandidat e di, se i ka kohërat e numëruara. Se mëkatet e tij janë të pafundme, se është i vetmi kryeministër që është në hetim ndërkombëtar dhe së shpejti dhe kombëtar. Është i pashpresë, kjo është e vërteta” – tha Berisha.

“Ai ishte i nxirë sot. Ai ishte vrug. Ai zverdhet në raste të tjera kur e ka nga halli, por sot ishte nxirë” – tha me shaka Berisha në një takim me drejtues të degëve të Tiranës dhe anëtarë të FRPD.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME