Kryetari i PD, Sali Berisha ka akuzuar kryeministrin Edi Rama se “po bllokon hetimet me komision parlamentar” për udhëtimet e tij me charter privat, pasi shpenzimet janë shumë më shumë se sa 122 milionë euro.”
Ndërsa tha se ministrat e qeverisë Rama, “5 herë më shpesh shkojnë në Dubai se sa vijnë në Gjirokastër dhe Tepelenë”.
Sali Berisha: Rama pasi ka bërë 137 udhëtime me aeroplan e dhomë gjumi luksi se lodhet shuimë packa se nga 48 mbledhje qeverie ne një vit ka marrë pjesë vetëm në 19 mbledhje. Të gjitha të tjerat i ka Ballukja, po ajo është kryeministrja se ajo zbaton porositë me SMS.
Shpenzon 122 milionë euro dhe thotë që këto udhëtime janë më lirë se udhëtimet e paraardhësit në linjat tregtare.
Janë dhe më shumë të shpenzuara udhëtime, abuzime, weekend.
A e dini që këta ministra, absolutisht 5 herë më shpesh shkojnë në Dubai se sa vijnë në Gjirokastër dhe Tepelenë.
A e dëgjuat Arben Ahmetajn që i thoshte pasaporta ime nuk është aty? Këta mbajnë nga 3 pasaporta në xhep për të mos u diktuar.
Kjo bandë arriti të paimagjinueshmen, të rekrutojë kryezbuluesin e SHBA, McGonigal.
E para, t’ia bësh një vendi që të ka bërë aq të mira në histori, je më besëpreri i shqiptarëve që nga koha e Skënderbeut gjer më sot.
Ky, duke na quajtur ne antiamerikanë, pse ne po mbronim vlerat e lirisë, vlerat e amerikanëve në Shqipëri, ky njeri nuk ka asnjë interes.
Ne kemi interesa kombëtare dhe forca e idealeve tona është e pamposhtur.
Ju garantoj se këtë revolucion do e fitojmë.
Misionarët nuk janë shumicë, por ata fitojnë, ata nuk humbasin. Ata nuk humbasin sepse sakrifikojnë.
Demokratët duhet të bindin çdo shqiptar se këtë betejë e kemi për çdo shqiptar.
Ndaj, të ecim të vendosur, të ecim të guximshëm, të sigurt drejt fitores që meritojmë.
