Kardinali Robert Francis Prevost është Papa i ri. Ai ka zgjedhur emrin Leone XIV. I lindur në Chicago, 69 vjeç, ai është një figurë e njohur në panoramën e episkopatës amerikane. Ka qenë bashkëpunëtor i ngushtë i Papës Francesku, pasi ka shërbyer si Prefekt i Dicasterit për peshkopët.
Ai është Papa i parë amerikan (ndonëse, në fjalimin e tij të parë, ka zgjedhur të mos thotë asnjë fjalë në anglisht). Pavarësisht se është pjesë e grupit të kardinalëve amerikanë, ai është konsideruar si më pak “amerikan” se kolegët e tij, pasi ka një histori si misionar dhe njeh shumë mirë Amerikën Latine.
Ka mbaruar studimet në Matematikë dhe Filozofi, dhe është anëtar i Urdhrit të Augustinianëve. Nga 2001 deri në 2013 ka qenë prior i përgjithshëm i Kongregatës dhe peshkop i Chiclayo, në Peru. Aktualisht drejton Dicasterin për Peshkopët dhe është president i Komisionit Papnor për Amerikën Latine.
Biografia
Papa Leone XIV është lindur më 14 shtator 1955 në Chicago (Illinois, SHBA). Në vitin 1977 hyri në noviciatin e Urdhrit të Shën Agostinit, në provincën e Nënë Shën Maria të Këshillit të Mirë, në Saint Louis. Më 29 gusht 1981 bëri betimet solemne. Studoi në Unionin Teologjik Katolik në Chicago, ku diplomoi në Teologji.
Në moshën 27-vjeçare u dërgua nga Urdhri në Romë për të studiuar të Drejtën Kanonike në Universitetin Papnor San Tommaso d’Aquino (Angelicum). Morri dorëheqjen e shenjtë më 19 qershor 1982 dhe më pas, në vitin 1984, fitoi Licencën. U dërgua për të punuar në misionin e Chulucanas në Piura, në Peru (1985-1986). Në vitin 1987, morri D.m.ph në Drejtësinë Kanonike dhe u zgjodh drejtor i thirrjeve dhe drejtor i misioneve për Provincën Agustinian “Nënë e Këshillit të Mirë” në Illinois (SHBA).
Në vitin 1988, ai u dërgua në misionin e Trujillo për të drejtuar projektin e formimit të përbashkët për agustinianët aspirantë të Vicariatave të Chulucanas, Iquitos dhe Apurímac. Aty ishte prior i komunitetit (1988-1992), drejtor i formimit (1988-1998) dhe mësues i profesistëve (1992-1998). Në Arkidiocesën e Trujillo, ai ishte vikari gjyqësor (1989-1998), profesor i Drejtësisë Kanonike, Patristikës dhe Moralit në Seminarin Shën Carlos dhe Shën Marcelo.
Në vitin 1999 u zgjodh prior provinciale i Provincës “Nënë Shën Maria e Këshillit të Mirë” (Chicago). Pas dy vitesh e gjysmë, Kapitulli i përgjithshëm e zgjodhi si prior të përgjithshëm, një detyrë që ia besuan përsëri në Kapitullin e përgjithshëm të vitit 2007.
Në tetor 2013 u kthye në Provincën e tij (Chicago) për të qenë mësues i profesistëve dhe vikari provincial; detyra që e mbajti derisa Papa Francesku e emëroi, më 3 nëntor 2014, administrues apostolik të Dioqezës së Chiclayo (Peru), duke e ngritur në dignitetin e peshkopit të Dioqezës së Sufarit. Më 7 nëntor morri detyrën kanonike të Dioqezës në praninë e nunciut apostolik James Patrick Green; u shugurua peshkop më 12 dhjetor, në festën e Shën Marisë Guadalupe, në Katedralen e Dioqezës së tij. Prej 26 shtator 2015 është peshkop i Chiclayo.
Që nga marsi i vitit 2018 ka qenë nënkryetar i dytë i Konferencës Episkopale Peruviane. Papa Francesku e kishte emëruar anëtar të Kongregatës për Klerin në vitin 2019 dhe anëtar të Kongregatës për Peshkopët në vitin 2020. Më 15 prill 2020, Papa e emëroi Administrues Apostolik të dioqezës së Callao. Që nga 30 janari 2023 është Prefekt i Dicasterit për Peshkopët dhe President i Komisionit Papnor për Amerikën Latine. Papa Francesku e krijoi kardinal më 30 shtator 2023, në Diaconin e Shën Monikës.
