3 operacione në Vlorë, arrestohen 3 persona të kërkuar për vrasje

Tre operacione policore janë finalizuar në qytetin e Vlorës, ku kanë rënë në pranga tre persona të shpallur në kërkim për vepra të ndryshme penale.

Sipas njoftimit të Policisë, në pranga ka rënë Maringlen Doga, 47 vjeç, i cili është dënuar me 20 vjet burgim për veprën penale “Vrasja me dashje”.

Për veprën penale të vjedhjes është arrestuar A. K., 50 vjeç, i cili dyshohet se ka vjedhur shuma parash, një portofol, laptop dhe celularë në subjekte dhe te shtetas të ndryshëm.

Ndërkohë, në pranga ka rënë edhe personi i tretë, shtetasi Y. D., 49 vjeç, i cili ishte shpallur në kërkim pasi gjatë kontrollit në banesën e tij u sekuestruan rreth 12 kg lëndë e dyshuar narkotike Cannabis Sativa dhe 6 bimë të dyshuara narkotike të së njëjtës lëndë.