Pasi kryeministri Edi Rama vendosi t’i japë fund nismës “Ballkani i hapur” kanë nisur edhe të tjerët afër tij të flasin të pakënaqur për të. I pari është ish-kryeministri Pandeli Majko që në emisionin “Open” thotë tani se nuk e ka pritur aspak mirë idenë e Ballkanit të Hapur. Justifikohet se nuk ka folur pasi “besonte se Kosova dhe Serbia mund të merreshin vesh me anë të kësaj nisme”, por jo se kishte frikë të fliste kundër.
Sa u takon deklaratave të Ramës kur thotë se Presidentin e Serbisë e ka vëlla, ai tha se kreu i qeverisë sonë duhet besuar vetëm kur thotë se vëlla ka Hashim Thaçin. Sipas tij deklaratat për Vuçicin bëhen për arsye politike dhe diplomatike. Ndërkohë vetë ai këtë të fundit, e quan si njeriun më negativ që i ka rënë për pjesë Serbisë si president.
“Se kam pritur aspak mirë nismën. Isha i përgatitur për reagimin e Kosovës. E vetmja gjë që më mbajti të mos dilja kundër, sepse mund të dilja sepse s’kam frikë, mendoja se në tavolinë e Ballkanit të Hapur, Kosova mund të negocionte gjëra të cilat do të shmangte tavolinën bilaterale nën ombrellën e Brukselit.
Nuk mendoj që Rama e pa këtë nismë për vota! Sensi i Ballkanit të hapur është ekonomik dhe jo politik . Nuk besoj se do më shihni ndonjëherë duke duartrokitur marrëveshjet shqiptaro-serbe
Mendoj se Vuçiç është nga njerëzit më negativ që mund t’i binte për pjesë Serbisë në këtë kohë. Rama nuk është përgjegjës që Serbia zgjodhën Vuçiçin si President. Ramën besojeni kur thotë për Hashim Thaçin, nuk mund të kesh vëlla në të njëjtën kohë dhe Thaçin dhe Vuçiçin. Mos u merrni me të than për arsye politike dhe diplomatike dhe për gjëra që dhe publiku në Kosovë ka ndjeshmërinë që janë të sinqerta. Kur teshti Kosova, sëmuret Shqipëria, dhe anasjelltas”, u shpreh ai.
