Një 35-vjeçar i veshur me rroba ushtarake dhe me antiplumb, në çante i janë gjetur armë të mbushura dhe municione të tjera luftarake.
Ka qenë vëllai i Antonio Lekës, ai që ka njoftuar policinë e Lezhës. Gjatë momentit të arrestimit, 35-vjeçari nuk ka shfaqur rezistencë ndaj punonjësve të policisë, por u ka thënë këtyre të fundit se ishte nisur në drejtim të Lezhës, për të vrarë politikanët.
”Do vras politikanët e Lezhës, dhe të zhduk farën e keqe të tyre”,-ka pohuar Leka, policia ende nuk ka dalë me një njoftim zyrtar në lidhje me këtë operacion, ndërsa nuk përjashtohet mundësia që i ndaluari të ketë dhe probleme të shëndetit mendor. Ai është djali i një oficeri ushtrie, Vat Lekës.
Ai ishte i veshur me rroba ushtarake, me antiplumb dhe në çantë i janë gjetur arme të mbushura dhe municione të tjera luftarake.
Gjatë një kontrolli të kryer në automjetin e tij janë gjetur gjithashtu armë të mbushura me fishekë. Ende nuk ka informacion në lidhje arsyen për të cilën i riu siguroi municionet, ndërsa uniformat blu po punojnë për zbardhjen e plotë të ngjarjes.
