Plas arma në Gjykatën e Apelit, qëllohet gjyqtari Astrit Kalaja
Një ngjarje e rëndë ka ndodhur në Gjykatën e Apelit në Tiranë. Mësohet se një person është futur i armatosur në ambientet e gjykatës dhe ka qëlluar me armë gjyqtarin e Apelit, Astrit Kalaja.
Mësohet se autori e ka qëlluar në sallën e gjyqit. Gjyqtari ndodhet në gjendje të rëndë shëndetësore.
Burimet bëjnë me dije se autori është arrestuar, ndërsa një bashkëpuntor i tij ka mundur të largohet.
Forca të shumta policie vrapojnë të hyjnë në gjykatën e Apelit ku ka ndodhur dhe sulmi me armë.
Gjyqtari Astrit Kalaja është qëlluar me armë në zyrën e tij.
Policia ka shkuar në vendin e ngjarjes, ndërsa momentalisht mësohet se ndaj gjyqtarit është qëlluar dy herë me armë zjarri.
Një plumb e ka kapur në këmbë dhe një në pjesën e krahur, afer gjoksit, informon gazetari Elton Qyno.
Ngjarja ka tronditur gjyqtarët dhe avokatët që prisnin në rradhë listën e gjykimit të proceseve të tyre.
Policia e Tiranës ka shkuar në vendgjarje dhe ka nisur hetimet për Vrasje ndaj gjyqtarit të mbetur në tentativë.
