Fier – Rruga që lidh fshatrat e Mallakastrës me Patosin, Roskovecin dhe fshatrat e tyre tejet e amortizuar. Banorët shprehen: Nuk mbahet mend qëkur nuk kanë vënë dorë. Shoferat: Një herë në vit bëjmë amortizatorë.
Janë vetëm 3 kilometra rrugë nga “Kthesa e Patosit” deri në fshatin Lalar e më tej. Ky aks rrugor ka shërbyer për kalimin e automjeteve të rënda e të zakonshme drejt Ballshit për të marr nënproduktet e ish uzinës së përpunimit të naftës dhe për të shkuar në qytete e fshatrat në jugun të Shqipërisë.
Pas ndërtimit të autostradës Levan Tepelenë tashmë në këtë aks rrugor kalojnë banorët e rrethe 20 fshatratve të Mallakastrës që duan të shkojnë në Patos, Roskovec e rrethinat e tyre, për të kryer furnizimin e bizneseve apo për të nxjerr prodhimet e tyre bujqësore e blegtorale.
Banorët e drejtuesit e mjeteve pohojnë se është tejet e amortizuar, nuk është vënë dorë nga shteti prej më shumë se 10 viteve , detyrohemi që një herë në vit të bëjmë edhe amortizatorët e makinave, thonë ata.
Rruga është tejet e amortizuar pasi terreni ka pasur rrëshkitje dhe tashmë rruga është bërë me ovale dhe duhet të ecësh shumë ngadal. Disa herë kjo rrugë është bërë edhe burim aksidentesh.
